शुक्लाफाँट राष्ट्रिय निकुञ्जको चित्र कोरेर रिलिप फण्ड फोर आर्ट अफ नेचरमा प्रदान गरिदैं

965
views

कञ्चनपुर, २३, कात्तिक । कञ्चनपुरको शुक्लाफाँट राष्ट्रिय निकुञ्जमा नेपाल सहित तीन देशका कलाकारहरुले निकुञ्जमा बसेर चित्र कोरिरहेका छन् ।

प्राकृतिक दृश्यलाई चित्रमा उतार्ने प्रचारप्रसार गर्ने प्रयासमा ति कलाकारहरु निकुञ्जमा पुगेका हुन् ।
नेपाल सहित तीन देशका कलाकार शुक्लाफाँटा राष्ट्रिय निकुञ्ज र आसपासका वस्तीका विभिन्न दृष्यलाई चित्रमा उतार्न व्यस्त छन् ।

चित्रकलाको माध्यमबाट मानव र वन्यजन्तुबीचको द्वन्द्व न्यूनीकरणका लागि स्वदेशी विदेशी कलाकारले चित्र बनाएका हुन् । प्रकृतिका लागि कला भन्ने नारा सहित आएका कलाकारको १७ सदस्यीय टोलीमा दुई जना विदेशी छन् । उनीहरु भारत र रसियाका हुन् ।

१० दिनसम्म चित्र कोर्ने कलाकार टोलीले आरक्ष र नजिकको वस्ती अवलोकन गरेपछि आफूले देखेका दृष्यलाई चित्रमा उतार्न थालेको सहभागी कलाकारहरुले बताएका हुन् । सबै कलाकारले दुई दुई वटा चित्र बनाउने छन् । ती सबै ३४ चित्रलाई रिलिप फण्ड फोर आर्ट अफ नेचरमा प्रदान गरिनेछ ।

कलाकारले बनाएका चित्रबाट शुक्लाफाँटा निकुञ्जको प्रचारप्रसारमा टेवा पुग्ने होटल व्यवसायी संघ कञ्चनपुरका अध्यक्ष प्रमानन्द भण्डारीको भनाई छ ।