सुपर स्टार खेलाडी नेइमार को कला

800
views

रुसमा जारी विश्वकप फुटबलको पाँच पटकको विश्व विजेता ब्राजिल क्वाटरफाइनलमा प्रवेश गरेको छ । सोमबार राति भएको खेलमा मेक्सिकोलाई २–० ले हराउँदै ब्राजिलले अन्तिम ८ स्थान सुरक्षीत गरेको हो ।


यो जितमा नेइमारको भूमिका महत्वपूर्ण रह्यो । पहिलो हाफमा गोलरहित रहेको खेलमा नेइमारको गोलबाट नै ब्राजिलले दोस्रो हाफमा खेल आफ्नो पक्षमा ल्यायो ।
५१ औँ मिनेटमा नेइमारले गोल गर्दै दिलाएको अग्रता अन्तिम समयमा रोबर्टो फिरमिनोले गोल गरेपछि दोब्बर हुँदै जितमा परिणत भयो । तर यो खेलमा गोल गरेर चम्किए पनि नेइमारको एउटा बानी भने नसुध्रिएको विश्लेषकले आरोप लगाएका छन् । त्यो बानी हो, सानो ट्याकलमा पनि मैदानमा लड्ने र त्यसलाई ठूलो देखाउने ।
पहिलो गोल गरेका नेइमारको भूमिका दोस्रो गोलमा पनि रह्यो । नेइमारले ब्राजिललाई खुसी बनाए, तर आफ्नो अनावश्यक व्यवहारका कारण खेलको कलालाई उत्कृष्ट हुन नदिएको ब्राजिलियन पत्र पत्रिकाहरुले नै लेखेका छन् । अर्जेन्टिनाका लियोनल मेस्सी र रियल मड्रिडका क्रिष्टियानो रोनाल्डो घर फर्किएपछि यो विश्वकपमा बाँकी रहेका एक मात्र सुपर स्टार नेइमार खेलाडी हुन् ।
विश्वका महँगा खेलाडी र उनको राम्रो प्रदर्शन, टिमको जितका बाबजुद नेइमार फुटबलमा असफल देखिएका छन् सोमबार रातिको खेल सकिन मात्रै २० मिनेट बाँकी थियो । त्यो बेलासम्म नेइमारले गोल गरिसकेका थिए । मेक्सिकोका फुल–ब्याक मिगुएल लायुनले बल नियन्त्रणमा लिने क्रममा नेइमारको गोलीगाँठोमा छोए, तर त्यो बेस्सरी छोइएको थिएन ।
निकै सावधानी अपनाउँदा पनि छोइएको थियो । तर नेइमारले त्यसलाई ठूलो रूप बनाए । मैदानमा लडे, बेस्सरी कराए उचालीदै पछारीदै गरे एक छिनपछि उठे । यसले नेइमारको अभियन गर्ने बानी यो खेलमा पनि देखियो ।
नेइमारको यो बानीले सबैलाई अचम्ममा पार्योत, उनको टिमका, मेक्सिकन खेलाडी, रेफ्री र उनका सहयोगी, फोर्थ हफिसियल । सबै उनको वरिपरी आए । किनकी उनी नेइमार थिए । उनले मात्रै यस्तो गर्न सक्ने एक जर्मन पत्रकारले बताएका छन् ।
२६ वर्षका नेइमार खेलको म्यान अफ दि म्याच भए । खेल पछि नेइमार अन्तर्वाताका लागि तयार थिए । पत्रकारले त्यो घटनाका बारेमा सोधे । तर ब्राजिलका प्रशिक्षक टिटेले ओभर टेक गरेर भने, ‘उनीहरुले नेइमारलाई कुचेका थिए, मैले त्यो स्क्रिनमा देखेको थिएँ ।’
त्यसपछि नेइमारले थपे, ‘हेर्नुस्, त्यो मलाई अण्डरमाइन गर्ने प्रयास थियो । मलाई आलोचनाको त्यति ख्याल छैन, न प्रशंसाको किनकी यसले व्यवहारलाई प्रभावित पार्न सक्छ । गएका दुई खेलमा मैले प्रेससँग बोलिन किनकी म चाहन्नथेँ । मलाई मात्रै खेल्नु छ, मेरा साथी खेलाडीलाई सहयोग गर्नुछ । टिमलाई सहयोग गर्नुछ ।’
तर मेक्सिकोका प्रशिक्षक आन कार्लोस ओसोरिओले भने नेइमारको व्यवहार राम्रो उदहारण नरहेको बताएका छन् । उनले भने, ‘यो फुटबलका लागि लाजको कुरा हो, हामीले एक खेलाडीका कारण धेरै समय खेर फालेका छौँ ।’
नेइमार धेरै रोएको, लडेको र सानो कुरालाई ठूलो देखाउने गरी अभिनय गरेको आरोप लागेको छ । उनले यो विश्वकपमा अहिलेसम्म २३ पटक पोस्ट प्रहार गरेका छन् र त्यसमा १२ वटा सही निशानामा देखिएका छन् ।
नेइमारले १६ पटक गोल गर्ने राम्रो अवसर सिर्जना गरेका छन् । यस्तै उनले ड्रिबल्स ४० पटक गरिसकेका छन् भने उनीमाथि २३ फउल भएका छन् । नेइमारले यो विश्वकपमा दुई गोल गरेका छन् ।
अहिलेसम्म नेइमार ले विश्वकपमा गरेको गोलको संख्या ६ पुगेको छ । यसका लागि उनले ३८ पटक प्रयास गरे । मेस्सीलाई ६ गोल गर्न ६७ तथा रोनाल्डोलाई ७४ पटक प्रयास गर्नु परेको थियो ।