अमेरिकाको एक कलेजमा गोली चल्दा २ को मृत्यु

267
views

काठमाण्डौ, २१ बैशाख । टेक्ससको ड्यालसस्थित नर्थलेक कलेजमा बुधबार गोली चलेको प्रहरीले पुष्टि गरेको छ । अर्बिंगमा रहेको सो कलेजमा झण्डै एकहजार पाँचसय नेपाली विद्यार्थी अध्ययन गर्छन् । कक्षा चलिरहेको समयमा आएका एक श्वेत वर्णका युवकले गोली हानेको प्रत्यक्षदर्शीले जनाएका छन् ।
प्रहरीले व्यापक खोजविनपछि गोली हान्ने युवक र अर्का एकलाई मृत अवस्थामा फेला पारेको छ । ती युवकले गोली हानेर आफूले आत्महत्या गरेको अनुमान गरिएको छ ।
सामुदायिक कलेजमा घटना भएपछि बुधबारका सबै कक्षा बन्द गरिएको कलेज प्रशासनले जनाएको छ । सो कलेजमा अध्ययनरत सबै नेपाली बिद्यार्थी सुरक्षित रहेको बताइएको छ ।