लेस्टरविरुद्ध टोटनहमको आधा दर्जन गोल

274
views

एजेन्सी, ५, जेष्ठ ।– ह्यारी केनले चार गोल गरेपछि टोटनहम हटस्पर्सले गत सिजनको च्याम्पियन लेस्टर सिटीलाई ६–१ को विशाल अन्तरले पराजित गरेको छ । चेल्सीले लिग उपाधि हासिल गरे पनि टोटनहमले उत्कृष्ट खेल प्रदर्शन गर्दै यो सिजन लिगमा २५ औँ जित निकाल्न सफल भएको हो । केनले पहिलो हाफमा एक तथा दोस्रो हाफमा ३ गोल गरे । योसँगै उनले लिगमा २६ औँ गोल पूरा गर्दै सर्वा्धिक गोलकर्ता बनेका छन् । दोस्रो स्थानमा रहेका रोमेलु लुकाकुलाई २ गोलले पछि परेका छन् । लिगको लगातार दुई सिजनमा उनले २५ गोलभन्दा बढी गोल गर्ने उनी पाँचौ खेलाडीमात्र हुन् । उनले लेस्टरविरुद्ध सर्वा्धिक १० गोल गरेका छन् भने एकै सिजनमा ३ वा सोभन्दा बढी ह्याट्रिक गर्ने पाँचौ खेलाडी हुन् । टोटनहमका लागि अन्य दुई गोल सोन हिङ मिनले गरे । लेस्टरका लागि एक मात्र गोल बेन चिलवेलले गरे । लिगमा लेस्टरको यो सबैभन्दा खराब नतिजा हो । यसअघि पनि लेस्टर सन् २०११ मा म्यान्चेस्टर सिटीसँग यही गोलअन्तरले पराजित भएको हो । ३७ खेलबाट स्पर्स ८३ अंकसहित लिगको दोस्रो स्थानमा रहेको छ ।