बाढीले जीप बगाउँदा चार जनाको मृत्यु

384
views

देउखुरी, १७, भदौ । घोराही लमही सडक खण्डको घोराही उपमहानगरपालिका ४ सिस्ने खोलामा आएको बाढीले गएराती गाडी बगाउँदा चारजनाको मृत्यु भएको छ ।

बाढीमा एकै घरका दुई दिदीबहिनीको मृत्युभएको छ । अन्य दुई जना महिलालाई बाढीले बगाउँदा बेपत्ता भएका थिए उनीहरुको पनि शव फेला परेको छ । चालकलाई प्रहरीले उद्धार गरेको छ ।

रुपैडियामा किनमेल गरेर फर्कदै गर्दा गाडीलाई बाढीले बगाएको थियो । प्रदेश ०३– ०१ –०२४ च ४४४० नम्बरको कारलाई बाढीले बगाएको थियो । घटनामा परि घोराही १३ का ३२ बर्षीया सुशिला श्रेष्ठ र घोराही १४ का ३० बर्षीया राधा श्रेष्ठ कुवरको शब फेला गरेको दाङका प्रहरी प्रबक्ता डिएसपी मुकुन्दप्रसाद रिजालले जानकारी दिए ।

मृतक राधा र सुशीला घोराही उपमहानगरपालिका वडा नम्बर १६ का सदस्य जगत श्रेष्ठका छोरीहरु हुन । घटनामा घोराही १३ का ४० बर्षीया रीतामाया पुन र घोराही १४ का ४२ बर्षीया विमला केसीलाई बाढीले बेपत्ता बनाएको थियो ।

चालक घोराही १५ का ४० बर्षिय नरबहादुर पुनको खुट्टा भाँचिएको र राप्ती स्वास्थ्य विज्ञान प्रतिष्ठानमा उपचार भैरहेको छ ।