नवदृष्टि संवाददाता
काठमाण्डौ, ३, बैशाख। केन्द्रिय बैंक नेपाल राष्ट्र बैंकले बैंक तथा वित्तिय संस्थामा एकै व्यक्तिको एक भन्दाबढी खाता सञ्चालनमा रोक लगाएको छ बैंक तथा वित्तिय संस्थालाई बिनियमनमा सहजता ल्याउन तथा एटिएम कार्डको दुरुपयोग रोक्ने प्रयास स्वरुप केन्द्रिय बैंकले यस्तो निर्देशन जारी गरेको हो ।
राष्ट्र बैंकका अनुसार अव एक व्यक्तिको एउटै बैंकमा एक भन्दावढी खाता भए एउटा वाहेक सञ्चालनमा वन्देज लगाउनुपर्ने छ । यस्तै एटिएम पनि एक भन्दा वढी प्रयोग गर्न पाइने छैन । एउटै बैंकमा एक भन्दा वढी खाता हुनेले विदेशमा गएर समेत वढी रकम निकाल्ने गरेको पाइएकाले पनि दुरुपयोग रोक्न यस्तो व्यवस्था गरिएको राष्ट्र बैंकले जनाएको छ । अव खाता खोल्दा भरिने केवाइसी फर्ममा समेत कडाइ हुने जनाइएको छ ।
यसवाट विदेशी मुद्राको अपचलन र सो खातामा भित्रन सक्ने गैरकानुनी कारोवार न्युनिकरण हुने राष्ट्र बैंकको अपेक्षा छ । तर, मुद्दती खातामा भने यो व्यवस्था लागु” नहुने जनाइएको छ । यस्तै, अब बचत खातामा न्युनतम व्याजदर एक प्रतिशत हुनुपर्ने छ ।
