काठमाडौँ, भदौ ६ गते । आज कृष्णजन्माअष्टमी अर्थात भाद्र कृष्ण अष्टमी भगवान् कृष्णको जन्मदिन मनाइँदै छ ।
महाशिवरात्रि, महाष्टमीको कालरात्रि, लक्ष्मीपूजाको सुखरात्रि र कृष्णजन्माष्टमीको मोहरात्रि गरी चार रातलाई हिन्दू धर्मशास्त्रमा महत्वको रात मानिन्छ ।
द्वापरयुगमा पिता वासुदेव र माता देवकीको सन्ततिका रूपमा कृष्णको जन्म भएको शास्त्रमा वर्णित छ । ज्योतिषशास्त्रमा सूर्य ग्रहबाट भगवान् राम अवतार, मङ्गल ग्रहबाट नृसिंह अवतार र चन्द्र ग्रहबाट कृष्णको जन्म भएको वर्णन छ । शुक्रबार मध्यरातदेखि शनिबार बिहान ३ः३० बजेसम्म अष्टमी परेको छ ।
