काठमाडौं, ९, फागुन । पूर्वप्रधानमन्त्री एवं जनता समाजवादी पार्टीका अध्यक्ष बाबुराम भट्टराईलाई न्युरो इन्डोक्राइन ट्युमर भएको आशंका चिकित्सकहरुले गरेका छन् ।
डा भट्टराई आज उपचारका लागि भारत जाँदैछन् । स्वास्थ्य उपचारका लागि नेपाल वायुसेवा निगमको जहाजबाट उनी नयाँ दिल्ली जान लागेका हुन् ।
उनको पेटमा समस्या देखिएको छ । चिकित्सककै सल्लाहमा उनी स्वास्थ्य उपचारका लागि भारत जान लागेका हुन् । उनको उपचार दिल्लीस्थित इन्स्टिच्युट अफ लिभर एण्ड बिलिअरी साइन्सेसमा हुनेछ ।
यसअघि भट्टराईलाई काठमाडौंको निदान अस्पतालमा उनले उपचार गराएईको थियो । भट्टराईसँगै उनकी श्रीमती हिसिया यमी र प्रेस सल्लाहकार विश्वदीप पाण्डे दिल्ली जाने बताइएको छ ।
