पेट्रोलियम पदार्थको मूल्य घट्यो

काठमाडौँ, ३ असार । नेपाल आयल निगमले पेट्रोलियम पदार्थको मूल्य घटाएको छ । निगमले गएराति १२ बजेदेखि लागू हुने गरी पेट्रोल, डिजेल र मट्टितेलको मूल्य घटाएको हो । निगमका प्रवक्ता सीताराम पोखरेलले पेट्रोल, डिजेल र मट्टितेलको प्रतिलिटर रु १।५० घटाइएको बताउनुभयो । नयाँ मूल्य अनुसार पेट्रोलको मूल्य प्रतिलिटर रु. एक सय बनाइएको छ । हाल पेट्रोलको मूल्य रु १०१।५० रहेको थियो ।
त्यस्तै, डिजेल र मट्टितेलको मूल्य पनि रु १।५० पैसाले घटेर रु. ७६ रुपैयाँ कायम भएको छ । हालसम्म डिजेल र मट्टितेलको प्रतिलिटर मूल्य रु ७७।५० छ । खाना पकाउने एलपी ग्यासको मूल्य भने यथावत् नै राखिएको छ ।