काठमाडौं, २२ फागुन– एमाले बरिष्ठ नेता तथा पूर्वप्रधानमन्त्री माधवकुमार नेपालले देशले कोल्टे फेर्न खोजिरहेको बताउँदै प्रधानमन्त्रीको खुट्टा तान्ने काम गर्न नहुने बताएका छन् ।
नेता नेपालले मंगलबार प्रतिनिधिसभाको बैठकलाई संबोधन गर्दै विगतमा विभिन्न संसदीय समितिहरुले विगतमा सरकारको खुट्टा तान्ने गरेको बताए । ‘अख्तियारको काम भ्रष्टाचार हेर्ने मात्रै हो, अदालतको काम बाटो ठूलो बनाउ वा नबनाउ भन्ने होइन’ नेपालले सबै संवैधानिक निकायका आ–आफ्ना कार्यक्षेत्र भएको भन्दै त्यसलाई बिर्सन नहुने बताए ।
उनले देशमा भ्रष्टाचार व्यापक भएको उल्लेख गर्दै अवको पहिलो प्राथमिकता भ्रष्टाचारको अन्त्य रहेको बताए । ‘जनताले आशा भरोसा गरेका छन् यसमा संसदले सक्रिय भूमिका खेल्नुपर्छ’ नेपालले भने,‘डुब्न लागेको देशलाई बचाउन अव वाम सरकार आएको छ ।’
