ललितपुर, ११ वैशाख । ललितपुरको महालक्ष्मी चोकमा मंगलबार बिहान दुई मोटरसाइकल आपसमा ठोक्किदा तीनजना घाइते भएका छन् । बा ७६ प ७८६२ र र बा ४५ प ३३५४ नम्बरको मोटरसाईकल आपसमा ठोक्किदा ३ जना घाइते भएका हुन् ।
दुर्घटनामा परि ७८६२ नम्बरको मोटरसाईकल चालक काठमाडौं मुलपानी बस्ने मोरङका २५ वर्षीय पारस श्रेष्ठ, सोही मोटरसाईकल पछाडी सवार २३ वर्षीया कोपिला श्रेष्ठ र ३३५४ नम्बरको मोटरसाईकल चालक ललितपुर चापागाँउका ३५ वर्षीय श्याम घिमिरे घाइते भएका हुन् ।
घाइते तीनैजनाको बयोद्धा अस्पताल बल्खुमा उपचार भइरहेको प्रहरीले जनाएको छ । घाइतेमध्ये कोपिला र श्यामको अवस्था गम्भिर रहेको बताइएको छ । दुर्घटनामा संलग्न दुवै सवारी साधनलाई महानगरीय ट्राफिक प्रहरी परिसर सातदोबाटोले नियन्त्रणमा लिएको छ ।
