नवलपुर, असोज–४ चितवनका साँसद कृष्णभक्त पोखरेल प्रतिनिधि सभाका १० विषयगत समिति मध्यको कानुन न्याय तथा मानव अधिकार समितिको सभापतिमा पोखरेल निर्विरोध निर्वाचित भएका छन् ।
आज भएको उम्मेद्वारी दर्ता कार्यक्रममा पोखरेलको मात्रै मनोनयन दर्ता भएपछि उनी निर्विरोध भएका हुन् ।
समितिको नेतृत्वमा नेकपाका केही सांसद भएपनि अन्तिम समयमा पार्टीभित्र कृष्णभक्त पोखरेल सर्वसम्मत भएका हुन् । कानुनमन्त्री हुने हल्लाका बीच उनी मानव अधिकार समितिको सभापति बनेका छन् ।. कानुन पृष्ठभूमिका उनी मानव अधिकारका समेत जानकार भएकाले उक्त समितिको नेतृत्व पाएको स्रोतको दावी छ । उक्त समितिमा पूर्व सभामुख सुवास नेम्बाङ, नेकपाका प्रमुख सचेतक देव गूरुङ र राजपाका नेता लक्ष्मणलाल कर्णसहित २३ जना सदस्य छन् ।
शुक्रबार निर्वाचन मार्फत दश वटै समितका सभापतियको चयन हुने कार्यक्रम छ । प्रतिनिधि सभाका १० विषयगत समितिमध्ये ८ वटा समितिमा नेपाल कम्युनिस्ट पार्टी (नेकपा) को नेतृत्व रहने छ भने नेपाली काँग्रेस र संघीय समाजवादी फोरमले एक–वटा समितिको सभापति पाउने भएका छन् ।
