काठमाडौँ, १३, असोज । बंगलादेशमा आज शुरु १९ वर्ष मुनिको एसिया कप क्रिकेट प्रतियोगितामा नेपालले भारतसँग प्रतिस्पर्धा गर्दै छ । नेपाल विजयी यात्रालाई अगाडि बढाउन उद्देश्यसहित मैदानमा उत्रँदै छ । गत संस्करणको समूह चरणको खेलमा नेपालले भारतलाई पराजित गर्दै सनसनी मच्चाएको थियो ।
मलेसियामा भएको उक्त प्रतियोगितामा नेपालले भारतलाई १९ रनले पराजित गरेको थियो । गत संस्करणमा नेपाल सेमिफाइनलसम्म पुगेको थियो । प्रतियोगितामा नेपाल समूह ‘ए’ मा परेको छ । नेपालको समूहमा भारत, अफगानिस्तान र युएई छन् । त्यस्तै समूह बी मा श्रीलंका, बंगलादेश, पाकिस्तान र हङकङ छन् ।
एसिया कप हुनुअघि भारतमा भएको एक दिवसीय शृङ्खलामा नेपाल भारतका दुवै टोलीसँग पराजित हुँदा अफगानिस्तानलाई हराउन सफल भएको थियो । तेस्रो स्थानका लागि भएको भिडन्तमा भने नेपाल अफगानिस्तानसँग पराजित भएको थियो ।
