-गजल- 
मुर्दालाई घाटको बिज्ञापन गरिरहनु पर्दैन ।
मृत्यु भारी छ ओजन गरिरहनु पर्दैन ।।
मखमली चोला अन्त्यमा जलेरै सिधिन्छ ।
आत्माले छोडेपछि जतन गरिरहनु पर्दैन ।।
बाचुन्जेल रहरले अल्झाउछ इच्छाले रोक्छ ।
मृत्यु पश्चात् मनलाइ दोमन गरिरहनु पर्दैन ।।
(नयन अधिकारी)
हिजो सम्म जीवन थियो र थियो रंगमञ्च ।
अब नाटक गर्नुपर्दैन मञ्चन गरिरहनु पर्दैन ।।
मृत्यु आफैमा सम्मानित हुदोरहेछ क्यारे ।
मुर्दाले आफ्नो खुबी प्रदर्शन गरिरहनु पर्दैन ।।
भरतपुर, चितवन
