काठमाडौं– सोमवार बसेको सार्वजनिक लेखा समितिको बैठकले वाइडबडी जहाज खरिद अनियमिततामा वहालवाला संस्कृति पर्यटन तथा नागरिक उड्डयन मन्त्री रवीन्द्र अधिकारीलाई कारवाही गर्न सिफारिस गरेको छ ।
बैठकले पूर्व मन्त्रीहरु जीवन शाही र जितेन्द्र देवमाथि आवश्यक अनुसन्धान गरी कारवाही गर्न सिफारिस गरेको हो । सो बैठकले उपसमितिको प्रतिवेदन पनि पारित गरेको छ । बैठकले पर्यटन मन्त्रालयका सचिव कृष्णप्रसाद देवकोटालाई निलम्बन गरेर कारवाही अघि बढाउन सिफारिस गरेको छ ।
बैठकले गृह मन्त्रालयका सचिव प्रेम राईलाई भने निर्दोष ठहर गर्दै गृहसचिवलाई गलत सूचना दिने महाप्रबन्धक कंसाकारलाई उपसमितिले सिफारिस गरेबाहेक थप कारवाही गर्न लेखा समितिले सिफारिस गरेको छ ।
