काठमाडौं, १६, पौष । जल तथा मौसम पूर्वानुमान महाशाखाका अनुसार तराई र पहाडका केही स्थानहरुमा दिउँसो वर्षाको सम्भावना रहेको छ । उच्च पहाडी र हिमाली भागहरुमा हिमपातको सम्भावना रहेको छ ।
महाशाखाका अनुसार देशमा पश्चिमी न्यून चापिय प्रणालीको प्रभाव देखिएको छ । यसका कारण वर्षा र हिमपातको सम्भावना देखिएको हो ।
बुधबार राति देशभर सामान्य बदली रही उच्च पहाडी तथा हिमाली भू–भागका केही स्थानहरुमा हल्का देखि मध्यम हिमपात र पहाडी तथा तराईका एक दुई स्थानहरुमा हल्का वर्षाको सम्भावना देखिएको छ ।
बिहिबार हिमाली भू(भागमा भारी हिमपात र पहाडी र तराईका केही स्थानहरुमा हल्का देखि मध्यम वर्षाको सम्भावना छ । राति पनि यस्तै मौसमी अवस्था रहने अनुमान गरिएको छ ।
हिमालमा हिमपात हुँदा काठमाडौं उपत्यकालगायत देशका अधिकांश भागमा चीसोको प्रभाव बढेको छ । तापक्रम घटेको छ ।
