गजल

–राजकुमार श्रेष्ठ, झापा
कसै, कसैलाई सन्तान, सजिलो छ जन्माउन ।
छोरालाई पितृ सम्पतिमा सजिलो छ रमाउन ।।

हाम्रो देश नेपालमा गरीबको हालत पतला छ ।
बाउआमालाई गाह्रो, छोराछोरी बिहे गरि अन्माउन ।।

हामी सोझा नेपाली जनतालाई ढाँट, छल गरि ।
नेतागण र कर्मचारीलाई दाउ छ पैसा कमाउन ।।

तै रानी मै रानी कसले भर्ला कुवाको पानी भने झैं ।
ठूलो पार्टी राहु छ, साना पार्टीहरूलाई दबाउन ।।

ए कान्छी, ठुटे नेता र फुट्ने पार्टीको कुरा छाड्देउ ।
मलाई आवश्यक छ, तिमीलाई यो मुटुमा सजाउन ।।

( हाल कतार ।