नवदृष्टि संवाददाता
८, साउन
काठमाडौ । अघिल्लो सरकारले सामाजिक सुरक्षा सम्वन्धि सेवा प्रदानगर्न राष्ट्रिय परिचयपत्र अनिवार्य गरेको निर्णयलाई उल्टाउदै गृह मन्त्रालयले सामाजिक सुरक्षा भत्ता लाभग्राहीका लागि राष्ट्रिय परिचयपत्र अनिवार्य नभएको जनाएको छ ।
गृह मन्त्रालयले सामाजिक सुरक्षा भत्ताका लागि राष्ट्रिय परिचयपत्र अनिवार्य गरेपछि त्यसको व्यापक आलोचना तथा वर्षायामले असहजभएपछि लाभग्राहिका लागि राष्ट्रिय परिचयपत्र अनिवार्य नभएको जनाएको हो ।
राष्ट्रिय परिचयपत्र तथा पञ्जीकरण विभाग अन्तर्गतको सामाजिक सुरक्षा शाखाले ७५३ वटै स्थानीय तहलाई पत्र लेख्दै यसअघि जेठ २४ मा सरकारले गरेको निर्णय बदल्दै हाललाई सामाजिक सुरक्षा भत्ता लाभग्राहीलाई राष्ट्रिय परिचयपत्र अनिवार्य नभएको जनाएको छ ।
‘नेपाल सरकार मन्त्रिपरिषद्बाट मिति २०८१ जेठ २४ मा सामाजिक सुरक्षासम्बन्धी सेवा प्रदान गर्न राष्ट्रिय परिचयपत्र (एनआइडी) अनिवार्य गर्ने निर्णय भई २०८१ साल असार १० गतेको राजपत्रमा सूचना प्रकाशन भएको थियो ।
पञ्जिकरण विभागका अनुसार देशभर निरन्तर परेको वर्षाका कारण ठाउ“ठँउ“मा बाढी, पहिरो र विपद्को अवस्था सिर्जना हुन गई सामाजिक सुरक्षा भत्ता प्राप्त गर्ने नागरिकहरूलाई राष्ट्रिय परिचयपत्र बनाउन असहज हुन गएकाले उक्त प्रयोजनका लागि हाललाई राष्ट्रिय परिचयपत्र अनिवार्य नगर्न गृह मन्त्रालयलाई निर्देशन दिने’भनिएको छ ।
