संविधान दिवसको अवसरमा फकर क्षमता भएका विद्यार्थिलाई वाटर फिल्टर

नवदृष्टि संवाददाता
पर्वत, २ ,असोज,
संविधान दिवसको अवसरमा कुश्मा नगरपालिका ६ मा रहेको शिवालय माध्यमिक विद्यालयमा अध्यनरत फरक क्षमता भएका विद्यार्थीहरुको लागि सेलेट वाटर फिल्टर हस्तान्तरण वितरण गरिएको छ ।

कुश्मा नगरपालिकाको सहयोगमा उक्त सामाग्री शिवालय माध्यमिक विद्यालयलाई हस्तान्तरण गरिएको हो । सामाग्री वितरण कार्यक्रममा जिल्ला समन्वय समिति पर्वतका प्रमुख विष्णुराम वि.क, कुश्मा नगरपालिकाका उपप्रमुख स्वस्थानी रिजाल, प्रमुख जिल्ला अधिकारी केदारनाथ शर्मा, कुश्मा नगरपालिकाका शिक्षा शाखा प्रमुख विष्णुप्रसाद तिवारी, स्वास्थ्य शाखा प्रमुख यामप्रसाद शर्मा , शाखा अधिकृत डिलकुमाी शर्माको उपस्थितिमा उक्त वाटर फिल्टर हस्तातरण गरिएको थियो । शिवालय माध्यमिक विद्यालय व्यवस्थापन समिती भविन्द्र गिरी र प्रधानाध्यापक भुपेन्द्र चापागाईंलाई उक्त सामाग्री हस्तान्तरण गरेका थिए ।
कार्यक्रममा कुश्मा नगरपालिका वडा न ६ का वडा सदस्य प्रकाश शर्मा र व्यवस्थापन समितिका सदस्यहरुको पनि उपस्थिति थियो ।
कुश्मा नगरपालिका र उपस्थित अतिथिहरु प्रति आवश्यक सहयोगको लागि विद्यालय परिवार आभार व्यक्त गरेको छ । उक्त फिल्टरको प्रयोगबाट विद्यालयका विद्यार्थीहरुले स्वच्छ खानेपानी पिउन पाउने भएपछि फरक क्षमताका विद्यार्थीहरु खुसी देखिएका छन् ।