भ्रष्टाचार, कालोबजारी र महँगीविरुद्ध प्रदर्शन

नवदृष्टि संवाददाता
१८, माघ
काठमाडौं ः काठमाडौंको माइतीघरमा शुक्रबार नेपाल समाजवादी युवा संघ लगायतका संगठनहरुले भ्रष्टाचार, कालोबजारी र महँगीविरुद्ध प्रदर्शन गरेका छन् ।

योङ कम्युनिष्ट लिग नेपाल, युवा संघ नेपाल, युवा संगठन नेपाल र नेपाल समाजवादी युवा संघ लगायतका संगठनहरुले ब्यानरसहित विरोध प्रदर्शन गरेका हुन् ।
ती संगठनहरुले सुशासन कार्यान्वयन गर्, मिटरब्याजी समस्या तुरुन्त समाधान गर, नेकपा र राज्यबीच भएको ३ बुँदे सहमति कार्यान्वयन गर लगायतका प्लेकार्ड बोकेर विरोध जनाएका छन् ।