नवदृष्टि संवाददाता
१८,मंसिर
काठमाडौ । चार दिने भ्रमणका लागि चीन पुगेका प्रधानमन्त्री केपी शर्मा ओली र चिनिया राष्ट्रपति सी जिनफिङबिच भेटवार्ता भएको छ । चीनको राजधानी बेइजिङमा देउताइ स्टेट गेस्ट हाउसको भिल्ला नम्बर १२ मा दुई नेताबिच भेटवार्ता भएको हो ।
यसअघि प्रधानमन्त्री ओली र चिनियाँ प्रधानमन्त्री ली छ्याङबिच मंगलबार भेटवार्ता भएको थियो ।
लीसगको भेटपछि नेपाल र चीनबिच सहयोगबारे आठ समझदारी पत्रमा हस्ताक्षर भएको थियो । प्रधानमन्त्री ओली सहितको नेपाली प्रतिनिधि मण्डलको टोली आइतबार चीन पुगेका थिए ।
