रोयल्सको जनकपुर बोल्ट्स माथि ८ विकेटको जित

नवदृष्टि संवाददाता
३, पुष
काठमाडौं ः नेपाल प्रिमियर लिगमा सुदूरपश्चिम रोयल्सले जनकपुर बोल्ट्समाथि ८ विकेटको जित हात पारेको छ । विनोद भण्डारी र कप्तान दिपेन्द्रसिंह ऐरी क्रमश ५८ र २० रनमा अविजित रहदै १८.३ ओभरमा १४१ रन बनाएर जित हात पारेका हुन् । सुदूरका लागि सैफ जेवले ३२, ब्राण्डन म्याकमुलेन २५ रन बनाएर आउट भए । जनकपुरका लागि ललित राजवंशी र किशोर महतोले एक विकेट लिएका थिए ।

टस जितेर ब्याटिङमा आएको जनकपुरले ९ विकेट गुमाएर १३९ रन बनाएको थियो । जनकपुरका लागि जिमी निसम ४५, शुभ कंसकार २६, लाहिरू मालिन्था र हर्ष ठाकर १२, कप्तान आशिफ शेख र अरनिको यादव ११, मोहम्मद महसिन र शेर मल्लले समान ३ रन बनाए। सुदूरका लागि कप्तान दिपेन्द्र सिंह ऐरीले तीन, सैफ जेव दुई, स्कट कुग्गेलेजिन र अविनास बोहरा समान एक विकेट लिए ।
जनकपुरले लिगको सात खेलमा पाच जित र दुई हारको नतिजा निकालेको थियो । सुदुरपश्चिम सोझै फाइनलमा पुगेको छ भने जनकपुर अब कर्णाली याक्ससग पुन खेलेर फाइनल प्रवेश गर्नुपर्नेछ ।