नवदृष्टि संवाददाता
काठमाडौ, १५ पुष । गुरुङ समुदायले नया वर्षलाई स्वागत गर्दै आज तमु ल्होसार धुमधामका साथ मनाएका छन् । ‘ल्हो’को अर्थ वर्ष र ‘सार’ को अर्थ फेरिनु भएकाले वर्ष फेरिने दिनलाई ‘तमु ल्होसार’ भनिएको हो । तमु ल्होसार गुरुङ समुदायले नया वर्षका रुपमा मनाउने गर्छन् ।
विशेषगरि गुरुङ बाहुल्यता रहेको लमजुङ, गोरखा, तनहु, स्याङ्जा, मनाङ, कास्की, पर्वत लगायतका जिल्लाहरुमा मनाईएको छ । ‘तमु ल्होसार’ पर्व सूर्यको किरणसग सम्बन्धित छ । सूर्यको ताप पहिले आउने भएकाले पुस १५ मा यो पर्व मनाउने गरिएको किम्वदन्ती छ ।
यसपछि क्रमशः तामाङ र शेर्पा जातिको बसोवास भएको क्षेत्रमा सूर्यको ताप आउने भएकाले माघ र फागुनमा यो पर्व मनाइने विश्वास गरिन्छ । पुस १५ गतेको रात सबैभन्दा लामो हुने र यसपछिका रात घट्दै जाने भएकाले पनि यस पर्वको महत्व रहेको बताइन्छ ।
तमु ल्होसारका अवसरमा आज सरकारले सार्वजनिक बिदा दिएको छ भने टुँडिखेलमा गुरुङ समुदायले विशेष कार्यक्रमको आयोजना गरेका छन् ।
