नयाँ सत्ता गठबन्धनका लागि तीन दलको बैठक बस्दै

107
views

काठमाडौं, २७, चैत्र । नेपाली कांग्रेसले नयाँ सत्ता गठबन्धनका लागि नेकपा माओवादी केन्द्र र जनता समाजवादी पार्टीसँग छलफलका लागि बोलाएको छ । बैठक शुक्रबार दिउँसो ३ बजे बोलाइएको कांग्रेस प्रवक्ता विश्वप्रकाश शर्माले जानकारी दिनभुयो ।

माओवादी केन्द्रका अध्यक्ष पुष्पकमल दाहालले देउवालाई नयाँ सरकार गठनको नेतृत्व गर्न आग्रह गर्दै आइरहेको अवस्थामा मौन बस्नुभएका उहाँले बिहीबारदेखि भने सक्रियता देखाउनुभएको हो ।

कांग्रेसले यसअघि नै आवश्यक परे नयाँ सरकार गठनको पहल गर्ने निर्णय गरेको थियो । माओवादी अध्यक्ष दाहाल देउवासँग छलफलकै लागि बिहीबारै सुर्खेतबाट हतारहतार काठमाडौं आउनुभएको छ ।

माओवादीले ओलीलाई हटाउने वा नहटाउनेबारे प्रस्ट निर्णय दिन देउवा र महन्थ ठाकुरलाई आग्रह गरेको छ । देउवा भने ओलीको विपक्षमा संसद्मा बहुमत पुग्ने ग्यारेन्टी नभएसम्म अघि बढ्न चाहनुभएको छैन ।