सम्हालिन गार्हो परेको बेलामा
आँखाबाट आँसु झरेको बेलामा
खै कसरी तिम्रो सुरक्षा गरौंला
म भित्रको म नै मरेको बेलामा
नआउनु निर जे नि हुन सक्छ
आत्मघाती युद्ध गरेको बेलामा
भाई भाई फाटो ल्याउनै हतार छ
रावणले सीता हरेको बेलामा
यो भोक पनि बडो जिद्दी गर्न थाल्छ
शत्रुले कनिका छरेको बेलामा
नसम्झनु मिठा पलहरु अतितका
अर्कैले सिउँदो भरेको बेलामा
आँशुको नै बाढी आउँछ अगाडि
दुस्खको सागर म तरेको बेलामा
किरण ढकाल गोरखा
